ວິໄສທັດ

 ຮອດປີ 2020, ພັດທະນາສະຖາບັນເຕັກໂນໂລຊີການສື່ສານຂໍ້ມູນຂ່າວສານ ໃຫ້ກາຍເປັນ ສະຖາບັນທີ່ນຳໜ້າຂອງຂະແໜງການໄປສະນີ, ໂທລະຄົມມະນາຄົມ ແລະ ການສື່ສານ (ໄອຊີທີ) ໃນດ້ານການສຶກສາ, ການຄົ້ນຄວ້າ, ວິໃຈດ້ານໄອຊີທີ ໃຫ້ໄດ້ມາດຕະຖານລະດັບຊາດ, ພາກພື້ນ ແລະ ສາກົນ.

ປັດຊະຍາ

ສຶກສາດີ ມີວິໃນ ສົ່ງເສີ່ມການນຳໃຊ້ເຕັກໂນໂລຊີ ທັນສະໄໝ

1.  ປະຫວັດ​​ໂດຍຫຍໍ້​ຂອງ ສະຖາ​ບັນເຕັກໂນໂລຊີການສື່ສານຂໍ້ມູນຂ່າວສານ.

  • ປະຫວັດຫຍໍ້

ສະຖາ​ບັນ​ເຕັກໂນໂລຊີການສື່ສານຂໍ້ມູນຂ່າວສານ (ສຕສ) ຫຼື Institute of Information Communications and Technology (IICT) ໄດ້​ສ້າງ​ຂຶ້ນ​ໃນ​ປີ ຄ​.ສ 1973 ພາຍ​ໃຕ້​ການ​ອຸປະຖໍາ​ທາງ​ດ້ານ​ການ​ກໍ່ສ້າງ​ອາຄານ,ຫ້ອງ​ທົດ​ລອງ,ອຸປະກອນ ແລະ ຫຼັກສູດ​ການ​ຮຽນການ​ສອນ​ຄົບ​ສຸດ​ໂດຍ​ອົງການ​ໂທລະ​ຄົມ​ສາກົນ (ITU) ຊື່​ເດີມ​ເອີ້ນ​ວ່າ:ສູນ​ກາງ -​ ຝຶກ​ອົບຮົມ ວິຊາ​ຊີບໂທລະ​ຄົມມະນາຄົມ​ແຫ່ງ​ຊາດ (Centre National de Formation des Telecommunications).

ຕັ້ງ​ແຕ່​ປີ ຄ.ສ 2011 ເຖິງປັດຈຸບັນ ແມ່ນໄດ້​ປ່ຽນຊື່​ມາ​ເປັນ ສະຖາ​ບັນ​ເຕັກໂນໂລຊີການສື່ສານຂໍ້ມູນຂ່າວສານ ຂຶ້ນ​ກັບ​ກະຊວງ​ໄປສະນີ, ໂທລະ​ຄົມມະນາຄົມ ແລະ ການ​ສື່ສານ ແລະ ມີ​ພາລະ​ບົດ ບາດຕາມ ຂໍ້​ຕົກລົງ​ຂອງ​ລັດຖະມົນຕີວ່າການສະບັບ​ເລກ​ທີ 992/ປທສ,ລົງ​ວັນ​ທີ 05/06/2013.

​ເປັນ​ສະ​ຖາ​ບັນ​ພັດທະນາ​ບຸກຄະລາ​ກອນດ້ານ ​ໄປສະນີ ​ແລະ ວິສະວະ​ກໍາ ​ໄອ​ຊີ​ທີ ແຫ່ງ​ຊາດ ​ໃນ​ລະດັບ​ຊັ້ນ​ກາງ, ຊັ້ນ​ສູງ ​ແລະ ປະລິນຍາ​ຕີ​. ​ໃນ​ຮູບ​ແບບ​ການ​ຮຽນ ​ແລະ ການ​ຝຶກ​ອົບ​ຮົມ.

  • ພາລະບົດບາດ

ສະຖາ​ບັນ​ເຕັກໂນໂລຊີການສື່ສານຂໍ້ມູນຂ່າວສານ ມີຖານະທຽບເທົ່າກົມ, ສັງກັດໃນໂຄງປະກອບການຈັດຕັ້ງຂອງ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ,

ມີພາລະບົດບາດເປັນຫົວໜ່ວຍ​ວິຊາ​ການໃນການຄົ້ນຄ້ວາສ້າງ,ປັບປຸງຫຼັກສູດ ການສິດສອນ, ສ້າງ ແລະ ພັດທະນາຊັບພະຍາກອນ​ມະນຸດຂະແໜງໄປສະນີ ແລະ ​ໄອ​ຊີ​ທີ ໃຫ້ແກ່ສັງຄົມ.

2. ການ​ຮ່ວມ​ມື​ພາຍ​ໃນ ​ແລະ ຕ່າງປະ​ເທດ.

ການ​ຮ່ວມ​ມື​ພາຍ​ໃນ

ບັນດາການຈັດຕັ້ງພາຍໃນກະຊວງ ປທສ.

  • ກະຊວງສຶກສາທິການ ແລະ ກິລາ.
  • ລັດວິສາຫະກິດໄປສະນີລາວ.
  • ໂຄງການສື່ສານຮັບໃຊ້ການນຳ ແລະ ພາກລັດບໍລິຫານ.
  • ລັດວິສາຫະກິດລາວໂທລະຄົມ (LTC).
  • ບໍລິສັດອີທີແອວມະຫາຊົນ (ETL).
  • ບໍລິສັດວິມແປວຄອມລາວ (Beeline).
  • ບໍລິສັດສະຕາໂທລະຄົມ(Star Phone).
  • ມະຫາວິທະຍາໄລແຫ່ງຊາດ ແລະ ບັນດາສະຖາບັນອື່ນໆ

ການ​ຮ່ວມ​ມື​ກັບ​ຕ່າງປະ​ເທດ

  •   ສສ ຫວຽດນາມ.ສະຖາບັນPTIT
  • ອົງການໂທລະຄົມໂລກ (ITU).
  • ສະຖາບັນຊີສໂກ ຂົງເຂດພູມີພາກ
  • ສະຖາບັນວິຊາຊີບລີນຸກ (ມາເລເຊຍ).
  • ມະຫາວິທະຍາໄລ ພະຈອມເກົ້າ (ໄທ)
  • ບໍລິສັດລໍາຊຸງ ຈໍາກັດ (ເກົາຫຼີໃຕ້)