ໃນວັນທີ 3 ທັນວາ 2024, ທ່ານ ປອ. ປະດັບໄຊ ໄຊຍະໂຄດ ຫົວໜ້າສະຖາບັນເຕັກໂນໂລຊີການສື່ສານຂໍ້ມູນຂ່າວສານ ໄດ້ເຂົ້າຮ່ວມລົງນາມບົດບັນທຶກຄວາມເຂົ້າໃຈຮ່ວມກັບ ໜ່ວຍງານສົ່ງເສີມອຸດສາຫະກຳໄອທີແຫ່ງຊາດ (NIPA) ສ.ເກົາຫຼີ.
ບົດບັນທຶກຄວາມເຂົ້າໃຈດັ່ງກ່າວແມ່ນແນໃສ່ ການສ້າງສະຖາບັນດິຈິຕອນ ເກົາຫຼີ-ອາຊຽນ ເພື່ອຊຸກຍູ້ການພັດທະນາບຸກຄະລາກອນດິຈິຕອນ ປະກອບສ່ວນໃສ່ວຽກງານເສດຖະກິດ-ສັງຄົມ ຂອງ ສປປ ລາວ. ທັງສອງຝ່າຍຈະໄດ້ສືບຕໍ່ປະສານເຮັດວຽກຮ່ວມກັນ ເພື່ອກຳນົດບັນດາຫລັກສູດ ແລະ ຈັດຕັ້ງປະຕິບັດການຝຶກອົບຮົມ ທີ່ແທດເໝາະກັບສະພາບຄວາມຮຽກຮ້ອງຕ້ອງການຕົວຈິງ ເພື່ອໃຫ້ການຮ່ວມມືດັ່ງກ່າວ ມີປະສິດທິພາບ ແລະ ໄດ້ຮັບປະສິດທິຜົນສູງສຸດ.
