ພິທີລົງນາມ ບົດບັນທຶກຄວາມເຂົ້າໃຈ ລະຫວ່າງ ສຕສ (IICT), ສຖຕ (TPTC) ແລະ ມະຫາວິທະຍາໄລ ຂອນແກ່ນ (KKU) ຣາຊາອານາຈັກໄທ
ໃນວັນທີ 10 ມັງກອນ 2025, ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ((ສຕສ) IICT)), ກະຊວງເຕັກໂນໂລຊີ ແລະ ການສື່ສານ (ສຕສ) ໄດ້ຈັດພິທີລົງນາມບົດບັນທຶກຄວາມເຂົ້າໃຈ ລະຫວ່າງ ສຕສ (IICT), ສູນສົ່ງເສີມ ແລະ ຖ່າຍທອດເຕັກໂນໂລຊີ ((ສຖຕ) (TPTC)) ແລະ ມະຫາວິທະຍາໄລ ຂອນແກ່ນ (KKU) ຣາຊາອານາຈັກໄທ. ໂດຍການເຂົ້າຮ່ວມ ຂອງ ທ່ານ ບັນດິດ ສຈ ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ທ່ານ ນາງ ພິຍາສີນີ ມູນລະພຶກ, ເອກອັກຄະລັດຖະທູດ, ທີ່ປຶກສາແຫ່ງຣາຊາອານາຈັກໄທ ປະຈຳ ສປປ ລາວ ມີບັນດາທ່ານຮອງລັດຖະມົນຕີ ກຕສ, ຄະນະນໍາຈາກມະຫາວິທະຍາໄລຂອນແກ່ນ, ຄະນະກົມທຽບເທົ່າພາຍໃນ ກຕສ ແລະ ບັນດາແຂກທີ່ຖືກເຊີນ ເຂົ້າຮ່ວມຫຼາຍກວ່າ 50 ທ່ານ.
