ພິທີເປີດ-ປິດ ຝຶກອົບຮົມໃນຫົວຂໍ້ “ການປ້ອງກັນໄພຄຸກຄາມທາງອິນເຕິເນັດ”
ພິທີເປີດ-ປິດ ຝຶກອົບຮົມໃນຫົວຂໍ້ “ການປ້ອງກັນໄພຄຸກຄາມທາງອິນເຕິເນັດ”
ໃນຕອນເຊົ້າຂອງ ວັນທີ 25 ທັນວາ 2019 ເວລາ 8:30 ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ໄດ້ຈັດພິທີເປີດ-ປິດ ຝຶກອົບຮົມໃນຫົວຂໍ້ “ການປ້ອງກັນໄພຄຸກຄາມທາງອິນເຕິເນັດ” ເປັນກຽດເຂົ້າຮ່ວມໃນພິທີຄັ້ງນີ້ມີ ທ່ານ ປອ. ປະດັບໄຊ ໄຊຍະໂຄດ ຮອງຫົວໜ້າສະຖາບັນເຕັກໂນໂລຊີການສື່ສານຂໍ້ມູນຂ່າວສານ, ທັງໃຫ້ກຽດເປັນປະທານໃນການຝຶກອົບຮົມ ແລະ ບັນດາທ່ານ ຄະນະພະແນກ, ຄູ-ອາຈານ, ຕາງໜ້າຈາກບັນດາກົມອ້ອມຂ້າງທີ່ກ່ຽວຂ້ອງທີ່ຂື້ນກັບກະຊວງ ປທສ ແລະ ນັກສໍາມະນາກອນ ກໍ່ໄດ້ໃຫ້ກຽດເຂົ້າຮ່ວມ ຢ່າງພ້ອມພຽງ.
ການຝຶກອົບຮົມຄັ້ງນີ້ແມ່ນໃຊ້ໄລຍະເວລາໃນການຝຶກອົບຮົມຈໍານວນ 03 ວັນ ແຕ່ວັນທີ 25-27/12/2019 ໂດຍມີນັກຝຶກທັງໝົດຈໍານວນ 15 ທ່ານ ຈາກສະຖາບັນເຕັກໂນໂລຊີການສື່ສານຂໍ້ມູນຂ່າວສານ ແລະ ພະນັກງານຈາກບັນດາກົມອ້ອມຂ້າງທີ່ກ່ຽວຂ້ອງທີ່ຂື້ນກັບ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ. ຈຸດປະສົງໃນການຈັດຝຶກອົບຮົມຄັ້ງນີ້ ເພື່ອກໍ່ສ້າງພະນັກງານ, ຍົກລະດັບຄວາມຮູ້ຄວາມສາມາດຂອງພະນັກງານວິຊາການ ແລະ ເປັນການຖອດຖອນແລກປ່ຽນບົດຮຽນເຊິ່ງກັນ ແລະ ກັນ, ໃຫ້ນັກສໍາມະນາກອນໄດ້ຮຽນຮູ້ກ່ຽວກັບການປ້ອງກັນໄພຄຸກຄາມທາງອິນເຕີເນັດ ແລະ ເຂົ້າໃຈການນໍາໃຊ້ເຄື່ອງມືຕ່າງໆ ພ້ອມທັງວິທີແກ້ໃຂ. ເພື່ອເອົາບົດຮຽນວິຊາ “ການປ້ອງກັນໄພຄຸກຄາມທາງອິນເຕີເນັດ” ນຳໄປເຜີຍແຜ່, ສິດສອນໃຫ້ແກ່ນັກສຶກສາ ແລະ ນໍາໃຊ້ເຂົ້າໃນວຽກງານວິຊາສະເພາະຂອງຕົນ.
