ພາສາລາວ : ຫຼັກສູດຊັ້ນສູງບໍລິຫານເຕັກໂນໂລຊີການສື່ສານຂໍ້ມູນຂ່າວສານ
ພາສາອັງກິດ : Higher Curriculum of Information and Communication Technology Management
ມາດຕະຖານອາຊີບ
- ສື່ສານໂດຍໃຊ້ພາສາລາວ ແລະ ພາສາຕ່າງປະເທດເຂົ້າໃນວິຊາຊີບໃນລະດັບໃດໜຶ່ງທີ່ແນ່ນອນ.
- ຈັດຫາ ແລະ ດູແລຮັກສາຊັບພະຍາກອນລະບົບຂໍ້ມູນຂ່າວສານ ແລະ ການສື່ສານ ໃຫ້ພຽງພໍຕໍ່ການໃຊ້ງານ
- ບໍລິຫານຈັດການລະບົບຂໍ້ມູນຂ່າວສານ ແລະ ການສື່ສານ ໃຫ້ບໍລິການໄດ້ຢ່າງຕໍ່ເນື່ອງ ມີປະສິດທິພາບ ແລະ ໝັ້ນຄົງປອດໄພ.
- ບໍລິຫານຈັດການ, ໃຫ້ບໍລິການດ້ານຂໍ້ມູນຂ່າວສານ ແລະ ການສື່ສານ ຮອງຮັບຕາມກົດໝາຍໄອຊີທີ ຂອງລາວ ແລະ ມາດຕະຖານສາກົນ.
- ຈັດຫາ ແລະ ສ້າງນະວັດຕະກໍາດ້ານໄອຊີທີ ເພື່ອສະໜັບສະໜູນງານດ້ານບໍລິການ.
- ຮັບປະກັນຄວາມຮູ້, ຄວາມສາມາດ ແລະ ທັດສະນະຄຸນສົມບັດ ທີ່ສອດຄ່ອງກັບຄວາມຕ້ອງການພັດທະນາເສດຖະກິດສັງຄົມ ແລະ ຕະຫຼາດແຮງງານ ແຕ່ລະໄລຍະ.
- ມີຄຸນສົມບັດສິນທໍາປະຕິວັດ ແລະ ຈັນຍາບັນທີ່ດີຕໍ່ການນຳເຕັກໂນໂລຊີ, ເຄື່ອງມື ແລະ ຄວາມຮູ້ດ້ານໄອຊີທີ ໄປໃຊ້ໃນການປະກອບອາຊີບ.
- ເປັນຜູ້ບໍລິຫານ ຫຼື ເປັນຜູ້ວາງແຜນການຕິດຕັ້ງສ້ອມແປງ, ບຳລຸງຮັກສາອຸປະກອນເຄືອຂ່າຍ ແລະ ລະບົບເຕັກໂນໂລຊີຂໍ້ມູນຂ່າວສານ.
- ມີທັກສະໃນການແກ້ໄຂບັນຫາ ແລະ ການວາງແຜນສ້າງລະບົບເຄືອຂ່າຍ, ລະບົບເຕັກໂນໂລຊີຂໍ້ມູນຂ່າວ ສານ.
ວຸດທິການສຶກສາ ແລະ ນາມມະຍົດ
- ຜູ້ທີ່ຮຽນຈົບຕາມຫຼັກສູດນີ້ຈະໄດ້ຮັບນາມມະຍົດເປັນນັກວິສະວະກອນດ້ານ ບໍລິຫານເຕັກໂນໂລຊີການສື່ສານຂໍ້ມູນຂ່າວສານ ລະດັບຊັ້ນສູງ.
ລະດັບຄວາມສາມາດຫຼັງຈາກຮຽນຈົບ
- ນຳໃຊ້ວິຊາສະເພາະທາງດ້ານເຕັກໂນໂລຊີການສື່ສານຂໍ້ມູນຂ່າວສານ ເຂົ້າໝູນໃຊ້ໃນວຽກງານທີ່ຕົນເອງຮັບຜິດຊອບ.
- ນໍາໃຊ້ທັກສະການບໍລິຫານ ເຂົ້າໃນການຈັດການບໍລິຫານວຽກງານທາງດ້ານເຕັກໂນໂລຊີການສື່ສານຂໍ້ມູນ ຂ່າວສານ ໃຫ້ເກີດມີຄວາມຄ່ອງແຄ້ວ, ມີຄວາມຊຳນິຊຳນານ, ມີຄວາມວ່ອງໄວ ແລະ ມີປະສິດທິຜົນສູງ.
- ວິເຄາະ, ອະທິບາຍບັນດາຂໍ້ກຳນົດ ຫຼັກການ, ລະບຽບການ ແລະ ມາດຕະການ ຂອງບັນດານິຕິກຳຕ່າງໆ ທີ່ຊ່ວຍຊຸກຍູ້ ແລະ ສົ່ງເສີມວຽກງານບໍລິຫານລັດດ້ວຍເອເລັກໂຕຣນິກ.
- ວາງແຜນ, ວິເຄາະລະບົບ, ການປັບປຸງລະບົບ ຂອງອົງກອນ.
- ຮູ້ຈັກຫຼັກການ ແລະ ສາມາດນຳນິຕິກຳຕ່າງໆມາໝູນໃຊ້ໃນການຄຸ້ມຄອງໂຄງການ, ການຄຸ້ມຄອງໂທລະຄົມ, ການຄຸ້ມຄອງໄອຊີທີ, ການຄຸ້ມຄອງຄື້ນຄວາມຖີ່ ແລະ ການຄຸ້ມຄອງໄປສະນີ.
- ມີແນວຄວາມຄິດລິເລີ່ມ ແລະ ຮູ້ຈັກການບໍລິຫານໃນການສ້າງທຸລະກິດຂະໜາດນ້ອຍ-ຂະໜາດກາງ ແລະ ການສ້າງການຄ້າອອນລາຍ.
- ຂຽນໂຄງສ້າງການຕະຫຼາດ, ຂັ້ນຕອນການບໍລິຫານ, ວາງແຜນ ແລະ ການປະເມີນຜົນທາງການຕະຫຼາດ.
- ກຳແໜ້ນຫຼັກການ ແລະ ຄິດໄລ່ພື້ນຖານການບັນຊີ, ບັນຊີວິສາຫະກິດ, ບັນຊີທະນາຄານ ແລະ ບັນຊີແຫ່ງລັດ.
- ສາມາດອອກແບບລະບົບການຄຸ້ມຄອງ, ການບໍລິຫານ, ການຈັດການຕ່າງໆ ພາຍໃນອົງກອນທີ່ ມີປະສິດທິພາບ.
