ພາສາລາວ : ຫຼັກສູດຊັ້ນສູງຄວາມປອດໄພທາງໄຊເບີ
ພາສາອັງກິດ : Higher Curriculum of Cyber Security
- ສື່ສານໂດຍໃຊ້ພາສາລາວ ແລະ ພາສາຕ່າງປະເທດເຂົ້າໃນວິຊາຊີບໃນລະດັບໃດໜຶ່ງທີ່ແນ່ນອນ.
- ພັດທະນາອາຊີບ ແລະ ແກ້ໄຂບັນຫາໄດ້ ໂດຍການນຳໃຊ້ວິທະຍາສາດເຕັກໂນໂລຊີທາງໄຊເບີ.
- ຮັບປະກັນການນໍາໃຊ້ເຄື່ອງມືການຮັກສາຄວາມປອດໄພ, ການຮັບປະກັນເຕັກໂນໂລຊີທີ່ສາມາດປົກປ້ອງສະພາບແວດລ້ອມທາງໄຊເບີ, ລະບົບເຄືອຂ່າຍ ແລະ ຂໍ້ມູນຂ່າວສານຂອງ ອົງການ ແລະ ສັບສິນຂອງຜູ້ໃຊ້ງານ.
- ຮັບປະກັນຄວາມຮູ້, ຄວາມສາມາດ ແລະ ທັດສະນະຄຸນສົມບັດ ທີ່ສອດຄ່ອງກັບຄວາມຕ້ອງການພັດທະນາເສດຖະກິດສັງຄົມ ແລະ ຕະຫຼາດແຮງງານ ແຕ່ລະໄລຍະ.
- ມີຄຸນສົມບັດສິນທໍາປະຕິວັດ ແລະ ຈັນຍາບັນທີ່ດີຕໍ່ການນຳເຕັກໂນໂລຊີ, ເຄື່ອງມື ແລະ ຄວາມຮູ້ດ້ານຄວາມປອດໄພທາງໄຊເບີ ໄປໃຊ້ໃນການປະກອບອາຊີບ.
- ເປັນຜູ້ບໍລິຫານ ຫຼື ເປັນຜູ້ວາງແຜນການຕິດຕັ້ງສ້ອມແປງ, ບຳລຸງຮັກສາອຸປະກອນເຄືອຂ່າຍ ແລະ ລະບົບເຕັກໂນໂລຊີຂໍ້ມູນຂ່າວສານ.
- ເຂົ້າໃຈຫຼັກການ ຫຼື ຂັ້ນຕອນການປະຕິບັດວຽກງານການຕິດຕັ້ງ, ແກ້ໄຂບັນຫາອາສະຍາກໍາທາງຄອມພິວເຕີ, ການບຳລຸງຮັກສາຊັບພະຍາກອນເຄືອຂ່າຍ ແລະ ລະບົບເຕັກໂນໂລຊີຂໍ້ມູນຂ່າວສານ.
- ມີທັກສະໃນການແກ້ໄຂບັນຫາ ແລະ ການວາງແຜນສ້າງລະບົບເຄືອຂ່າຍ, ລະບົບເຕັກໂນໂລຊີຂໍ້ມູນຂ່າວ ສານ.
ວຸດທິການສຶກສາ ແລະ ນາມມະຍົດ
- ຜູ້ທີ່ຮຽນຈົບຕາມຫຼັກສູດນີ້ຈະໄດ້ຮັບນາມມະຍົດເປັນນັກວິສະວະກອນດ້ານ ຄວາມປອດໄພທາງໄຊເບີລະດັບຊັ້ນສູງ.
ລະດັບຄວາມສາມາດຫຼັງຈາກຮຽນຈົບ:
- ນໍາໃຊ້ພື້ນຖານທາງດ້ານເຕັກໂນໂລຊີການສື່ສານຂໍ້ມູນຂ່າວສານ ເຂົ້າໝູນໃຊ້ໃນວຽກງານທີ່ຕົນເອງຮັບຜິດຊອບ;
- ປະຕິບັດວຽກງານທາງດ້ານການຮັກສາຄວາມປອດໄພທາງໄຊເບີ;
- ຮູ້ຈັກຫຼັກການ ແລະ ສາມາດນຳນິຕິກຳຕ່າງໆມາໝູນໃຊ້ໃນການຮັກສາຄວາມປອດໄພທາງເຄືອຂ່າຍ ແລະ ທາງໄຊເບີ;
- ວາງແຜນ ແລະ ວິເຄາະຄວາມສ່ຽງທີ່ຈະເກີດຈາກສາເຫດ ແລະ ສະພາບແວດລ້ອມຕ່າງໆ;
- ວິເຄາະ, ໄຈ້ແຍກ ແລະ ຕິດຕັ້ງການປ້ອງກັນໄພຂົ່ມຂູ່, ການເຈາະລະບົບ ໃນຮູບແບບຕ່າງໆເຊັ່ນ: ໄພຄຸກຄາມທາງໄຊເບີ, ໄພຄຸກຄາມຈາກເຄືອຂ່າຍ;
- ນຳໃຊ້ເຄື່ອງມືສຳຫຼັບການຮັກສາຄວາມປອດໄພຂໍ້ມູນດ້ວຍຊອບແວປະເພດຕ່າງໆ ແລະ ກູ້ຄືນລະບົບ ດ້ວຍຊອບແວທີ່ທັນສະໄໝ;
