ພາສາລາວ : ຫຼັກສູດຊັ້ນສູງວິສະວະກຳເຕັກໂນໂລຊີການສື່ສານ
ພາສາອັງກິດ: Higher Curriculum of Communications Technology Engineering.
ມາດຕະຖານອາຊີບ:
- ສາມາດສື່ສານໂດຍໃຊ້ພາສາລາວ ແລະ ພາສາສາກົນເຂົ້າໃນອາຊີບປະຈຳວັນ.
- ສາມາດພັດທະນາອາຊີບ ແລະ ແກ້ໄຂບັນຫາໄດ້ໂດຍການນຳໃຊ້ເຕັກໂນໂລຊີວິທະຍາສາດ.
- ສາມາດເປັນຜູ້ບໍລິຫານ ຫຼື ເປັນຜູ້ວາງແຜນການຕິດຕັ້ງສ້ອມແປງ, ບຳລຸງຮັກສາອຸປະກອນເຄືອຂ່າຍ ແລະ ລະບົບເຕັກໂນໂລຊີການສື່ສານ.
- ເຂົ້າໃຈຫຼັກການ ຫຼື ຂັ້ນຕອນການປະຕິບັດວຽກການຕິດຕັ້ງ, ແກ້ໄຂບັນຫາ, ການບຳລຸງຮັກສາຊັບພະຍາກອນເຄືອຂ່າຍ ແລະ ລະບົບເຕັກໂນໂລຊີການສື່ສານ.
- ມີທັກສະໃນການແກ້ໄຂບັນຫາ ແລະ ການວາງແຜນສ້າງລະບົບເຄືອຂ່າຍ, ລະບົບເຕັກໂນໂລຊີການສື່ສານ.
ຄຸນວຸດທິ ແລະ ນາມມະຍົດ:
- ຜູ້ທີ່ຮຽນຈົບຕາມຫຼັກສູດນີ້ຈະໄດ້ຮັບນາມມະຍົດເປັນນັກວິສະວະກອນດ້ານເຕັກໂນໂລຊີການສື່ສານ ລະດັບຊັ້ນສູງ.
ລະດັບຄວາມສາມາດ:
- ມີຄວາມຮູ້ພື້ນຖານໃນການນຳໃຊ້ເຄື່ອງມືຕ່າງໆໃນການຂຽນໂປຣແກຣມ, ການພັດທະນາເວັບໄຊທ໌, ການຮັກສາຄວາມປອດໄພທາງເຕືອຂ່າຍ ແລະ ການສ້າງຖານຂໍ້ມູນ;
- ຮູ້ຈັກໂຄງປະກອບສ້າງຂອງລະບົບໂທລະສັບ, ຫຼັກການການນຳໃຊ້ ແລະ ການເຊື່ອມຕໍ່ ແຕ່ລະໂຄງປະກອບສ້າງຂອງລະບົບໂທລະສັບເຊັ່ນ: ສູນທາງໂທລະສັບ, ລະບົບສາຍສົ່ງ, ລະບົບເຄື່ອງສົ່ງ, ລະບົບເສົາສັນຍານ, ລະບົບສາຍອາກາດ;
- ສາມາດວາງແຜນ ແລະ ສ້າງລະບົບເຄືອຂ່າຍອິນເຕີເນັດພາຍໃນສຳນັກງານ ແລະ ອົງກອນ;
- ສາມາດວາງແຜນລະບົບເຄືອຂ່າຍໂທລະສັບເຄື່ອນທີ່;
- ຮູ້ຫຼັກການ ແລະ ວິທີການນຳໃຊ້ ລະບົບການສື່ສານປະເພດຕ່າງໆເຊັ່ນ: ລະບົບການສື່ສານດາວທຽມ,ລະບົບການສື່ສານໄມໂຄຣເວັບ;
- ສາມາດວາງແຜນ, ຄິດໄລ່ງົບປະມານ, ຕັດຕໍ່ ແລະ ຈັດຕັ້ງປະຕິບັດໜ້າວຽກອື່ນໆທີ່ຕິດພັນກັບ ການຕິດຕັ້ງລະບົບສາຍສົ່ງ (ສາຍໃຍແກ້ວນໍາແສງ ແລະ ສາຍກາບທອງແດງ);
- ຮູ້ຈັກຫຼັກການວິທີການພື້ນຖານຕ່າງໆທີ່ໃຊ້ໃນວຽກງານໄປສະນີເຊັ່ນ, ພັດສະດຸໄປສະນີ, ເມດ່ວນ, ບັນຊີໄປສະນີ ແລະ ໄປສະນີພັນ;
- ຮູ້ຈັກຫຼັກການ ແລະ ສາມາດນຳນິຕິກຳຕ່າງໆມາໝູນໃຊ້ໃນການຄຸ້ມຄອງທາງດ້ານໂທລະຄົມມະນາຄົມ,ຄຸ້ມຄອງຄື້ນຄວາມຖີ່ ແລະ ຄຸ້ມຄອງໄປສະນີ.
