ພິທີຮັບເອົາສະມາຊິກພັກສໍາຮອງເລື່ອນຂຶ້ນເປັນສະມາຊິກພັກສົມບູນ ແລະ ຮັບມະຫາຊົນກ້າວໜ້າຂຶ້ນເປັນສະມາຊິກພັກສໍາຮອງ ຂອງ 4 ໜ່ວຍພັກ
ໃນວັນທີ 21 ມິຖຸນາ 2023, ທີ່ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ (ສຕສ) ໄດ້ຈັດພິທີຮັບເອົາສະມາຊິກພັກສໍາຮອງເລື່ອນຂຶ້ນເປັນສະມາຊິກພັກສົມບູນ 09 ສະຫາຍ ແລະ ຮັບມະຫາຊົນກ້າວໜ້າຂຶ້ນເປັນສະມາຊິກພັກສໍາຮອງ 06 ສະຫາຍ ຂອງໜ່ວຍພັກ ຫ້ອງການກະຊວງ, ໜ່ວຍພັກ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ, ໜ່ວຍພັກ ກົມໄປສະນີ ແລະ ໜ່ວຍພັກ ອົງການດັດສົມໂທລະຄົມມະນາຄົມ. ໂດຍໃຫ້ກຽດເປັນປະທານຂອງ ສະຫາຍ ຄຳພູ ດວງຖະໜອມ ຄະນະປະຈໍາພັກ ກະຊວງ, ເລຂາໜ່ວຍພັກ ກົມຈັດຕັ້ງ-ພະນັກງານ; ມີບັນດາສະຫາຍ ຄະນະບໍລິຫານງານພັກ, ເລຂາໜ່ວຍພັກ, ຕາງໜ້າຈາກໜ່ວຍພັກ ບັນດາກົມ/ທຽບເທົ່າ ແລະ ຜູ້ຕາງໜ້າສາມອົງການຈັດຕັ້ງມະຫາຊົນ ພ້ອມດ້ວຍສະມາຊິກພັກທັງໝົດ ເຂົ້າຮ່ວມ.
ພິທີໃນຄັ້ງນີ້ ເລຂາໜ່ວຍພັກທັງ 04 ໜ່ວຍພັກໄດ້ໃຫ້ກຽດອ່ານມະຕິຕົກລົງ ວ່າດ້ວຍການອະນຸມັດໃຫ້ມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ແລະ ອ່ານມະຕິຕົກລົງ ວ່າດ້ວຍການອະນຸມັດໃຫ້ພັກສຳຮອງ ຂຶ້ນເປັນສະມາຊິກພັກສົມບູນ ຂອງແຕ່ລະໜ່ວຍພັກ ຫຼັງຈາກນັ້ນ ສະຫາຍ ປະທານຂຶ້ນມອບມະຕິຕົກລົງ ພ້ອມດ້ວຍເລຂາໜ່ວຍພັກ ຂຶ້ນຮັບຮອງເອົາສະມາຊິກພັກສໍາຮອງ ແລະ ສະມາຊິກພັກສົມບູນໃໝ່. ໃນໂອກາດດຽວກັນ ສະຫາຍ ປະທານໄດ້ໃຫ້ກຽດໂອ້ລົມຕໍ່ສະມາຊິກພັກສໍາຮອງ ແລະ ສະຫາຍສະມາຊິກພັກໃໝ່ ໂດຍເນັ້ນໜັກໃຫ້ສະມາຊິກພັກແຕ່ລະສະຫາຍ ເຊື່ອມຊືມຕໍ່ແນວທາງນະໂຍບາຍ, ກົດລະບຽບ ຂອງພັກປະຊາຊົນປະຕິວັດລາວ ແລະ ປະຕິບັດໜ້າທີ່ວຽກງານທີ່ພັກ-ລັດ ມອບໝາຍໃຫ້ດ້ວຍຄວາມຮັບຜິດຊອບສູງ.