ພາສາລາວ: ຫຼັກສູດຊັ້ນສູງວິສະວະກຳເຕັກໂນໂລຊີຂໍ້ມູນຂ່າວສານ
ພາສາອັງກິດ: Higher Curriculum of Information Technology Engineering.
- ສາມາດສື່ສານໂດຍໃຊ້ພາສາລາວ ແລະ ພາສາຕ່າງປະເທດເຂົ້າໃນອາຊີບປະຈຳວັນ.
- ສາມາດພັດທະນາອາຊີບ ແລະ ແກ້ໄຂບັນຫາໄດ້ໂດຍການນຳໃຊ້ວິທະຍາສາດເຕັກໂນໂລຊີ.
- ສາມາດເປັນຜູ້ບໍລິຫານ ຫຼື ເປັນຜູ້ວາງແຜນການຕິດຕັ້ງສ້ອມແປງ, ບຳລຸງຮັກສາອຸປະກອນເຄືອຂ່າຍ ແລະ ລະບົບເຕັກໂນໂລຊີຂໍ້ມູນຂ່າວສານ.
- ເຂົ້າໃຈຫຼັກການ ຫຼື ຂັ້ນຕອນການປະຕິບັດວຽກການຕິດຕັ້ງ, ແກ້ໄຂບັນຫາ, ການບຳລຸງຮັກສາຊັບພະຍາກອນເຄືອຂ່າຍ ແລະ ລະບົບເຕັກໂນໂລຊີຂໍ້ມູນຂ່າວສານ.
- ມີທັກສະໃນການແກ້ໄຂບັນຫາ ແລະ ການວາງແຜນສ້າງລະບົບເຄືອຂ່າຍ, ລະບົບເຕັກໂນໂລຊີຂໍ້ມູນຂ່າວ ສານ.
ຄຸນວຸດທິ ແລະ ນາມມະຍົດ
- ຜູ້ທີ່ຮຽນຈົບຕາມຫຼັກສູດນີ້ຈະໄດ້ຮັບນາມມະຍົດເປັນນັກວິສະວະກອນດ້ານ ເຕັກໂນໂລຊີຂໍ້ມູນຂ່າວສານລະດັບຊັ້ນສູງ.
ລະດັບຄວາມສາມາດ:
- ມີຄວາມຮູ້ພື້ນຖານກ່ຽວກັບໂຄງປະກອບສ້າງຂອງລະບົບໂທລະສັບ, ຫຼັກການນຳໃຊ້ ແລະ ການເຊື່ອມຕໍ່ ແຕ່ລະ ໂຄງປະກອບສ້າງຂອງລະບົບໂທລະສັບ;
- ຮູ້ຈັກໂຄງປະກອບາງຂອງຄອມພິວເຕີ; ສາມາດອ້ອມແປງ ແລະ ປະກອບຄອມພິວເຕີ;
- ສາມາດວາງແຜນ ແລະ ສ້າງລະບົບເຄືອຂ່າຍອິນເຕີເນັດພາຍໃນສໍານັກງານ ແລະ ອົງກອນ;
- ສາມາດນໍາໃຊ້ເຄື່ອງມືຕ່າງໆໃນການຂຽນໂປຣແກຣມ, ການພັດທະນາເວັບໄຊທ໌, ການສ້າງແອບພລິເຄຊັນເຖິງມືຖື:
- ສາມາດວິເຄາະ ແລະ ສ້າງຖານຂໍ້ມູນພາຍໃນສຳນັກງານ ແລະ ອົງກອນ;
- ສາມາດບໍລິຫານ ແລະ ສ້າງລະບົບເຊີເວີພາຍໃນສຳນັກງານ ແລະ ອົງກອນ;
- ສາມາດຮັກສາ ແລະ ປ້ອງກັນຄວາມປອດໄພທາງເຄືອຂ່າຍ ແລະ ຄວາມປອດທາງອິນເຕີເນັດ;
- ຮູ້ຈັກຫຼັກການວິທີການພື້ນຖານຕ່າງໆທີ່ໃຊ້ໃນວຽກງານໄປສະນີເຊັ່ນ: ພັດສະດຸໄປສະນີ, ເມດ່ວນ, ບັນຊີໄປສະນີ ແລະ ໄປສະນີພັນ;
- ຮູ້ຈັກຫຼັກການ ແລະ ສາມາດນຳນິຕິກຳຕ່າງໆມາໝູນໃຊ້ໃນການຄຸ້ມຄອງທາງດ້ານໂທລະຄົມມະນາຄົມ,ຄຸ້ມຄອງໄອຊີທີ, ຄຸ້ມຄອງຄື້ນຄວາມຖີ່ ແລະ ຄຸ້ມຄອງໄປສະນີ.
